AXIN - ADRQ
Ana səhifəAXIN sa sa

AXIN
Azərbaycan Dövlət Rəsm Qalereyasının yeni layihəsi olan “AXIN” qrupu fəaliyyətə başlayır. Layihənin məqsədi müxtəlif sahəli insanların incəsənətə olan marağını artırmaq və bu sahədə maarifləndirici tədbirlər (seminarlar, sərgilər, rəssamlarla görüş, ekskursiyalar və.s) təşkil etməkdir. “AXIN” qrupuna qoşulmaqla siz incəsənətlə bağlı müxtəlif tədbirlərdə iştirak edərək bu sahədə bilik və bacarıqlarınızı inkişaf etdirə, Azərbaycan incəsənətinin bu gününün fəallarından ola bilərsiniz.

Tədbirlər:

Milli Incəsənət Muzeyinə 10 nəfərlik ekskursiyaya qeydiyyat:

https://docs.google.com/forms/d/1hdaQe9cvf63sNYuakWN8mrw8vQOkACR6x5UCgOaOaho/edit

30 iyun 2020-ci il

Azərbaycan Dövlət Rəsm Qalereyası “Evdə qal, qalib gəl!” layihəsi çərçivəsində gənc sənətşünaslar üçün məqalə müsabiqəsi elan edir. 
Müsabiqə gənclərin mədəni inkişafında rolunu artırmaq, elmi araşdırma və analitik düşünmə qabiliyyətini təkmilləşdirmək, gənclərin maarifləndirilməsi, elmi fəaliyyətinin stimullaşdırılması, onların nailiyyətlərinin qiymətləndirilməsi məqsədi ilə həyata keçirilir.
Müsabiqəyə AXIN üzvü olan yaşı 18-35 arasında sənətşünaslar yalnız iştirak edə bilər. Müsabiqə 2 mərhələdən ibarət olunması gözlənilir.
Müsabiqənin birinci mərhələsində sənətşünaslar münsiflər tərəfindən əvvəlcədən hazırlanmış mövzulardan birini seçərək iştirak edə bilərlər.
Məqalələr qiymətləndirilərkən müsabiqə mövzusuna uyğun ixtisaslaşmış, gənc alim və mütəxəssislər tərəfindən müsabiqə müddətində yazılmış orijinal məqalələrin təqdim edilməsi tələb olunur.
Müsabiqənin sonunda peşəkar sənətşünaslardan ibarət münsiflər heyyəti tərəfindən qalib olaraq seçilmiş ən yaxşı elmi işlərin aşağıdakı nominasiyalar üzrə diplom və pulla mükafatlandırılması nəzərdə tutulub:
1-ci yer: 300 manat
2-ci yer: 200 manat
3-cü yer: 100 manat
Əlavə olaraq qalib olan hər bir məqalə “Mədəniyyət” jurnalının müxtəlif buraxılışlarında dərc edilməsi nəzərdə tutulur. Münsiflər heyyəti tərəfindən seçilən 10 məqalənin müəllifi diplomla təltif olunacaqdır.
Müsabiqəyə qəbul edilən məqalənin yazılma şərtləri:

1)Format: MS Word
2)Şrift: Arial
3)Şrift ölçüsü: 14
4)Sətirlər arasında interval: 1.5
5)Mövzuya uyğun fotolardan istifadə 2 ədəd olmaq şərti ilə mümkündür
6)Sonda ədəbiyyat siyahısının qeyd olunması tələb olunur.
7)Məqalə ən azı 1400 sözdən ibarət olmalıdır.
8)Məqalə üçün müəyyən edilmiş mövzulardan birini ən çox 2 nəfər seçə bilər.

Müsabiqəyə qoşulmaq üçün iştirakçılar münsiflər heyyəti tərəfindən əvvəlcədən hazırlanmış mövzuları əldə etmək üçün Azərbaycan Dövlət Rəsm Qalereyasının “Whatsapp” nömrəsi (0777173337) ilə əlaqə saxlanması tələb olunur.Müsabiqə üçün yazılan məqaləni ad, soyad, ixtisas, çalışdığınız və yaxud təhsil aldığınız yerin adını qeyd etməklə qalereyanın mail adresinə (resmqalereya@gmail.com) göndərməyiniz xahiş olunur.
Məqalələrin son qəbul tarix 10 may 2020-ci il müəyyən edilmişdir.

18 mart 2020-ci il

Bilirsinizmi? Rəssamın çəkdiyi rəsm təkcə onun istedadı və akademik biliklərini deyil, eləcə də psixoloji vəziyyəti haqqında çox məlumatı özündə gizlədir. AXIN üzvləri üçün növbəti tədbirimizdə psixoloq Səyyarə Yusubova bu barədə danışacaqdır.
Tədbirin praktiki hissəsində psixoloq üzvlərin kağızlarda etdiyi eskizlərə əsasən öz fikirlərini bildirəcəkdir.Tədbirə qoşulmaq istəyən üzvlər öz AXIN kart nömrələri ilə tədbirin adını resmqalereya@gmail.com adresinə göndərə bilər.


11 mart 2020-ci il

Azərbaycan Dövlət Rəsm Qalereyasının təşkilatçılığı ilə 11 mart saat 17:00-da AXIN üzvləri üçün nəzərdə tutulmuş növbəti tədbirdə bərpaçı rəssam Sabir Hüseynovun iştirakı ilə “Rəngkarlığın ilkin anlayışları və bərpa metodları” mövzusunda növbəti müzakirə olunacaqdır. İştirak etmək istəyən üzvlər öz AXIN kart nömrələrini resmqalereya@gmail.com adresinə göndərə bilər.

1 mart 2020-ci il

Azərbaycan Dövlət Rəsm Qalereyasının təşkilatçılığı ilə 1 mart saat 17:00-da Xalq rəssamı Ağaəli İbrahimovla AXIN üzvlərinin görüşü baş tutacaq. Tədbirdə Ağaəli İbrahimov öz yaradıcılıq yolundan söhbət açaraq iştirakçılara dəyərli məsləhətlərini verəcəkdir. İştirak etmək istəyən üzvlərdən AXIN kart nömrələrini resmqalereya@gmail.com adresinə göndərmələri xahiş olunur.

29 fevral 2020-ci il

Azərbaycan Dövlət Rəsm Qalereyasının təşkilatçılığı ilə 29 fevral 2020-ci il saat 15:00-da “AXIN” üzvləri üçün “Oriqami” ustad dərsi keçirəcəkdir.
“Oriqami” Yaponiyada kağızdan hazırlanan fiqurların incəsənətidir. Əsasən kvadratşəkilli kağız parçalarını kəsmədən və yapışdırıcı maddə istifadə etmədən,
sadəcə qatlayaraq müxtəlif canlı və cansız fiqurlar düzəldilir.
Masterklass Xarici Dillər Universitetinin Yapon dili ixtisası üzrə tələbəsi Mehintac İbrahimova tərəfindən keçiriləcəkdir.
İştirak etmək istəyən üzvlər öz AXIN kart nömrələri birqə tədbirin adını resmqalereya@gmail.com adresinə göndərə bilərlər

19 fevral 2020-ci il

Azərbaycan Dövlət Rəsm Qalereyasının təşkilatçılığı ilə 19 fevral saat 17:00-da AXIN üzvləri üçün nəzərdə tutulmuş növbəti tədbirdə bərpaçı rəssam Sabir Hüseynovun iştirakı ilə “Rəngkarlığın ilkin anlayışları və bərpa metodları” mövzusu müzakirə olunacaqdır. İştirak etmək istəyən üzvlər öz AXIN kart nömrələrini resmqalereya@gmail.com adresinə göndərə bilər.

VİDEO
XİDMƏTLƏR
Sərgilərin təşkil olunması xidmətlərinə aşağıdakılar daxildir:
Ətraflı oxu
Məqalələrin yazılması
Ətraflı oxu
Dizayn xidmətlərinə aşağıdakılar daxildir:
Ətraflı oxu
Fotoçəkilişlərin aparılmasına aşağıdakılar daxildir:
Ətraflı oxu
Facebook