XƏBƏRLƏR
1547
“Xəzərin dalğaları” adlı I Bakı Beynəlxalq suluboya festivalı çərçivəsində növbəti tədbir- rəssam Fəxrəddin Qəhrəmanlının ustad dərsi baş tutdu.
30.08.2020 / Ustad dərsləri
“Xəzərin dalğaları” adlı I Bakı Beynəlxalq Suluboya festivalı çərçivəsində ustad dərsləri davam edir.
Azərbaycan Respublikası Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyası, İWS Globe – Beynəlxalq Suluboya Cəmiyyətinin Azərbaycan nümayəndəliyi (İWS Azerbaijan) və Xətai Sənət Mərkəzinin təşkilatçılığı ilə “Könüllülər ili” çərçivəsində “Xəzərin dalğaları” adlı I Bakı Beynəlxalq suluboya festivalı çərçivəsində növbəti tədbir- rəssam Fəxrəddin Qəhrəmanlının ustad dərsi baş tutdu.
Tədbirin bu dəfəki qonağı tanınmış rəssam, Azərbaycan Mədəniyyət və İncəsənət Universitetinin baş müəllimi Fəxrəddin Qəhrəmanlı xəyallarında yaşatdığı “Nəhəcir dağı” mənzərəsini tabloya köçürdü.
Nəzərinizə çatdıraq ki, ustad dərsini 28 avqust saat 12-də “Zoom” proqramı vasitəsi ilə, həmçinin instagram üzərindən canlı yayım izləmək mümkün oldu və sənətsevərlər ustad dərsinə http://azgallery.az/az/, https://xsm.az saytlarından həmçinin facebook, instaqram və youtube üzərindən https://youtu.be/t0Ht7Je3ncc linkinə toxunmaqla baxa bilərlər.
Xatırladaq ki, ustad dərslərin növbəti qonağı tanınmış rəssam İlham Məhərrəmoğlu olacaq .
© Bütün hüquqlar qorunur. İnformasiyadan istifadə edərkən www.azgallery.az saytına istinad zəruridir.
