XƏBƏRLƏR
“Azərbaycanım” IV respublika uşaq rəsm festivalı çərçivəsində elan edilən müsabiqəyə seçimlər başa çatıb və festival iştirakçıları müəyyənləşib.
Azərbaycan Respublikasının Mədəniyyət Nazirliyi, Azərbaycan Televiziya və Radio Verlişləri Qapalı Səhmdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Nizami Gəncəvi İli” çərçivəsində “Azərbaycanım” IV respublika uşaq rəsm festivalı çərçivəsində elan edilən müsabiqəyə seçimlər başa çatıb və festival iştirakçıları müəyyənləşib.
Müsabiqə rəssamlıq istedadına malik olan uşaqlar, yeniyetmə və gənclərin yaradıcılıq duyğularını və bədii zövqünü inkişaf etdirmək, onların yaradıcılığını stimullaşdırmaq, uşaqlarda əhatə olunduqları mədəni mühitə münasibəti formalaşdırmaq və ona yanaşma tərzini təkmilləşdirmək, doğma Vətənə məhəbbət hisslərini artırmaq, həmçinin rəşadətli Azərbaycan Silahlı Qüvvələrinin Vətən Müharibəsində göstərdiyi qəhrəmanlığı gəncliyə aşılamaq məqsədilə keçirilib.
Müsabiqədə 150-dən çox yaradıcılıq mərkəzi iştirak etmiş və 108 saylı tam orta məktəb, Masallı rayon Onbirillik İncəsənət Məktəbi, Şamaxı şəhər İncəsənət Təhsili Mərkəzi, 179 saylı məktəb, Biləsuvar rayon Xırmandalı kənd UİM, Fikrət Əmirov adına 6 № Onbirillik İncəsənət Məktəbi, 147 № Texniki-Humanitar Lisey, 245 № saylı tam orta məktəb, 247 saylı tam orta məktəb, Lənkəran şəhər Uşaq Rəssamlıq Məktəbi, Gəncə şəhər UİM, Laçın rayon 20 saylı tam orta məktəb, Qazax Dövlət Rəsm Qalereyası, 5 saylı UİM, Qara Qarayev adına Mərkəzi İncəsənət Məktəbi, Neftçala rayon UİM, Şəki “Asan xidmət” rəsm kursları, 4 saylı UİM, 34 saylı tam orta məktəb, 273 saylı tam orta məktəb, 1 saylı UGİM, 117 saylı tam orta məktəb, 212 saylı orta məktəb, 279 saylı tam orta məktəb, 310 saylı tam orta məktəb, Lənkəran şəhər 6 saylı məktəb, 69 saylı tam orta məktəb, Mingəçevir şəhər UGİM, Səbail 239 saylı məktəb, Sumqayıt şəhər 1 saylı UGİM, Sumqayıt şəhəri Verbal Tədris Mərkəzi, Zəngilan 33 saylı məktəb, 142 saylı tam orta məktəb, 173 saylı məktəb, 175 saylı məktəb, 221 saylı məktəb, 269 saylı orta məktəb, 276 saylı tam orta məktəb fəallıq göstərmişlər.
Qeyd edək ki, sərgilənmək üçün seçilən 500-ə yaxın əsər ölkəmizin müxtəlif bölgələrindən qatılan 1500-ə yaxın yeniyetmə və gəncin təqdim etdiyi 2000-dən çox əsərin arasından seçilmişdir.
Əsəri sərgilənən müəlliflər sertifikatla və müsabiqənin iştirakçıları olan fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaqlar.
Həmçinin, 3 yaş kateqoriyası üzrə ən yaxşı 30 əsərin müəllifi festivala dəvət olunacaq, festival iştirakçıları diplom və hədiyyələrlə mükafatlandırılacaqdır.
- 17-21 yaş arası
Aytən Məmmədova Xalid qızı - Özfəaliyyət
Abdulova Zəhra Əkbər qızı – Azərbaycan Dövlət Pedaqoji Kolleci
Axundova Səbinə Eldəniz qızı - Şəki “Asan xidmət” rəssamlıq kursları
Aytac Ağayeva Tərlan qızı - 1 nömrəli Uşaq - Gənclər inkişaf mərkəzi
Əliyeva Fatimə - ADMİU nəzdində Humanitar Kollec
Əliyeva Tamilla - Ə.S.İbrahimov adına Qobu qəsəbəsi 2 saylı tam orta məktəb
Quliyeva Zəhra - 209 nömrəli tam orta məktəb
Quluyev Eşqin - Qazax Dövlət Rəsm Qalereyası
Qurbanova Fatimə - Lənkəran şəhər S.Kazımbəyov adına 6 saylı orta məktəb liseyi
Şamil Hüseynli Telman oğlu – Azərbaycan Milli Konservatoriyası nəzdində Musiqi Kolleci
- 12 -17 yaş arası
Abidinov Mehdi Ceyhun oğlu - Lənkəran şəhər uşaq rəssamlıq məktəbi
Dadaşova Əfsanə - 108 saylı tam orta məktəb
Fatimə Həsənzadə - 279 nömrəli tam orta məktəb
İbrahimzadə Nərgiz Azər qızı - Məktəb Lisey Kompleksi
Məmmədli Riyad - 20 nömrəli məktəb
Mövlamova Güllü - Şamaxı Şəhər İncəsənət Təhsili məktəbi
Qafurova Gövhər Rəhman qızı - 5 nömrəli Uşaq İncəsənət məktəbi
Qəribova Səidə Etibar - 313 nömrəli orta məktəb
Sadıqova Arzu - Qobu uşaq gənclər yaradıcılıq məktəbi
Zəkiyyə Abdullayeva - Biləsuvar rayon Xırmandalı kənd Uşaq İncəsənət Məktəbi
- 7 -12 yaş arası
Ağayev Coşqun Xaliq oğlu - Şamaxı şəhər İncəsənət Təhsili Mərkəzi
Aydınlı Leyla - 245 nömrəli məktəb
Göyüşova Aysel Rəşad qızı - Binəqədi rayon 179 nömrəli məktəb
Bağırlı Dilbər - 117 saylı tam orta məktəb
Bünyatlı Nuray Teymur qızı - 276 nömrəli tam orta məktəb
Fərmanov Şənəl Zaur oğlu - Şamaxı şəhər İncəsənət Təhsili Mərkəzi
Heydərova Dilbər Samir qızı - Bakı şəhər M.İbrahimov adına 153 nömrəli məktəb
Mehdiyeva Zəhra Sübhan qızı - Binəqədi rayon 179 nömrəli məktəb
Mehri Abbasova - Azerbaijan British College.
Nuray Daşqın qızı Qənbərova - 20 nömrəli məktəb-lisey
Sərginin kataloquna Azərbaycan Dövlət Rəsm Qalareyasının və Xətai Sənət Mərkəzinin sosial medya hesablarından, həmçinin aşağıdakı linkə toxunmaqla baxmaq olar.
Müsabiqəyə Bakı Xətai Sənət Mərkəzinin “Facebook” sosial media hesabı üzərində açılmış xüsusi qrupda (https://www.facebook.com/groups/144172178999749/?ref=share) 1 və ya 2 əsərinin fotosunu ad, soyad, təvəllüd, təhsil aldığı məktəb və əlaqə nömrəsini yerləşdirməklə qatılmaq mümkün olmuşdur.
Mətbuat dəstəkçiləri: Azərtac, Lider TV, Olaylar, Mədəniyyət qəzeti, Edumap, Eduonline.az, Frame.az və Tanışolaq jurnalıdır.
Hollandiyanın boya markası olan “Royal&Talens”in "Artcreation" brendi tərəfindən tədbirin təşkilinə dəstək verilir.