Azərbaycan Respublikası Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə 3 aprel 2019-cu il tarixindən “Emalatxanada görüş” adlı layihənin yeni mərhələsinə start verildi.

Görüş Xalq rəssamı Mayis Ağabəyovun emalatxanasında baş tutmuşdur. Layihə gənclərin tədqiqat və yaradıcı müzakirə vərdişlərinin təkmilləşməsinə stimul yaratmaq məqsədi ilə həyata keçirilmişdir.      

Görüşdə gənclər tanınmış rəssamın emalatxanasında iş prosesi ilə yaxından tanış olmuş, rəssamlıq sənətinin özəllikləri ətrafında müzakirələr aparmışlar.             Xalq rəssamı ilə görüşdən hazırlanan video-material layihənin eyni adlı bloq səhifəsində (emalatxanadagorush.wordpress.com) yayımlanması nəzərdə tutulur.