XƏBƏRLƏR

1397

“Digitalart-lab” layihəsi çərçivəsində dizayner və illüstrator Mahir Qafarovun ustad dərsi keçirilib.

22.02.2021 / Ustad dərsləri

Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə dizayner və illüstrator Mahir Qafarov ilə ''Digitalart-lab'' layihəsi iştirakçılarının onlayn görüşü baş tutub.

Görüşdə öz təcrübəsini bölüşən rəssam layihə iştirakçılarına qrafik dizayn və illüstrator sahəsində istifadə edilən alətlər haqqında danışıb və yaradıcılığından nümunələri göstərib. Rəssam Azərbaycanda rəqəmsal incəsənətin inkişafına təsir edən amillərdən və ''Digitalart-lab'' layihəsinin vacibliyini qeyd edib.

Layihənin 14 iştiraçısından əlavə regionlarda yaşayan rəssamlar da ustad dərsə qoşulub.

Görüş Azərbaycan Dövlət Rəsm Qalereyasının ''Elmi araşdırma və innovasiya'' şöbəsinin müdiri Nərgiz Əsgərovanın moderatorluğu ilə keçib.

Xatırladaq ki, ustad dərsi “Zoom” proqramı vasitəsilə “Digitalart-lab” layihəsi iştirakçıları üçün nəzərdə tutulan proqrama əsasən keçirilib.